हम गदहा
***
मिलै तुम्हरे लगे आवा ,
हम गदहा ।
आपन रोवा आपन गावा,
हम गदहा ।।
का कै लेहौ तुम, ना जाना,
हम गदहा ।
सच्चा माना सच बखाना,
हम गदहा ।।
अपनै ढपली, अपनै गाना,
हम गदहा ।
जल्दी तुमका ना पहिचाना,
हम गदहा ।।
खाय के गयिन तुम्हरै दाना ,
हम गदहा।
तुम कह्यो जौन तौनै माना,
हम गदहा ।।
बतायी रस्ता पर कदम बढ़ावा,
हम गदहा।
फ़ाट पड़ा, ख़ुब चिल्लावा,
हम गदहा।।
कराहत तुम्हिन का बोलावा ,
हम गदहा।
या रस्ता ख़राब तुमसे बतावा ,
हम गदहा।।
तुम्हरै दीन मलहम लगावा,
हम गदहा ।
बढ़िया मलहम सबका बतावा,
हम गदहा।।